ಮಹಾಯೋಗಿ ವೇಮನ

🌹✍ *ಮಹಾಯೋಗಿ ವೇಮನ*

🙏 *ಸರ್ವರಿಗೂ ವೇಮನ ಜಯಂತಿಯ ಶುಭಾಶಯಗಳು*

🔜 *ವೇಮನ ೧೫ನೇ ಶತಮಾನದ ತೆಲಗು ಕವಿಗಳಲ್ಲಿ ಪ್ರಮುಖ ಹೆಸರು. ಕನ್ನಡದ ಸರ್ವಜ್ಞ, ತಮಿಳಿನ ತಿರುವಳ್ಳುವರ್ ಅವರಂತೆ ತೆಲುಗಿಗೆ ವೇಮನ ಮಾಹಾಕವಿ, ಮಹಾಯೋಗಿಯಾಗಿದ್ದಾನೆ.*

🌹 *ಜನನ, ಜೀವನ*

*ವೇಮನ ಸಿದ್ಧಾಪುರ ಸಮೀಪದ ಕುಮಾರಗಿರಿಯ ವೇಮರೆಡ್ಡಿಯ ಮಗ. ವೇಮನ ಹೆತ್ತವರಿಂದ, ಒಡಹುಟ್ಟಿದವರಿಂದ, ಸಂಬಂಧಿಕರಿಂದ ಅನಾದಾರಕ್ಕೆ ಗುರಿಯಾಗಿ ದುಶ್ಚಟಗಳ ದಾಸನಾಗುತ್ತಾನೆ.*

🌹 *ಭೋಗಾಸಕ್ತನಾಗಿ*

*ಪರಸ್ತ್ರೀ ಸಂಗದಲ್ಲಿ ವಿಚಯಾಸಕ್ತನಾದ ವೇಮನ ಭೋಗಾಸಕ್ತನಾಗಹುತ್ತಾನೆ. ವೇಶ್ಯಾಸ್ತ್ರೀಯೊಬ್ಬಳ ಸಹವಾಸ ಮಾಡಿ, ಮನೆಯ ಸಂಪತ್ತನ್ನೇಲ್ಲಾ ಹಾಳುಗೆಡವುತ್ತಾನೆ. ವೇಮನನಿಗೆ ಅತ್ತಿಗೆಯಾಗಿ ಬಂದ ಹೇಮರೆಡ್ಡಿ ಮಲ್ಲಮ್ಮ ಮೈದುನನ ಮನ ತಿದ್ದುವಲ್ಲಿ ಪ್ರಯತ್ನಿಸಿ ಸಫಲಳಾಗುತ್ತಾಳೆ.*

🌹 *ಮೂಗುತಿಯಿಂದ ಮನಪರಿವರ್ತನೆ*

*ದುಶ್ಚಟಗಳ ದಾಸನಾದ ವೇಮನ ವೇಶ್ಯಾಸ್ತ್ರೀಯೊಬ್ಬಳ ಮನದಾಸೆ ಈಡೇರಿಸಲು, ಅತ್ತಿಗೆಯಾಗಿದ್ದ ಹೇಮರೆಡ್ಡಿ ಮಲ್ಲಮ್ಮನ ಮೂಗುತಿಯನ್ನು ಬೇಕೆಂದು ಕೇಳುತ್ತಾನೆ. ಹೇಮರೆಡ್ಡಿ ಮಲ್ಲಮ್ಮ ಮೈದುನನಾದ ವೇಮನನಿಗೆ ಮೂಗುತಿ ಕೊಡಲು ಒಪ್ಪಿ ಕರಾರೊಂದನ್ನು ವಿಧಿಸುತ್ತಾಳೆ.*

🌹 *ಹೇಮರೆಡ್ಡಿ ಮಲ್ಲಮ್ಮನ ಕರಾರು*

*"ವೇಮನ ಹೇಮರೆಡ್ಡಿ ಮಲ್ಲಮ್ಮನ ಮೂಗುತಿಯನ್ನು ಆ ವೇಶ್ಯಾಸ್ತ್ರೀಗೆ ಕೊಡುವಾಗ, ಆಕೆ ನಗ್ನಳಾಗಿ ಬಂದು ವೇಮನ ಕುಳಿತದ್ದ ಮಂಚವನ್ನು ಮೂರು ಸುತ್ತು ಸುತ್ತಬೇಕು. ಮೂರು ಸುತ್ತು ಹಾಕಿದ ನಂತರ ಹಿಂಬದಿಗೆ ಬಾಗಿ, ಎರಡು ಕಾಲುಗಳ ನಡುವೆ ಬಗ್ಗಿ ಕೈ ಚಾಚಿ ವೇಮನನಿಂದ ಮೂಗುತಿಯನ್ನು ಪಡೆಯಬೇಕು. ಅವಳು ಆ ಮೂಗುತಿಯನ್ನು ಪಡೆಯುವವರೆಗೂ ವೆಮನ ಆಕೆಯ ನಗ್ನದೇಹವನ್ನು ತದೇಕ ಚಿತ್ತನಾಗಿ ನೋಡಬೇಕು". ವೇಮನ ಅತ್ತಿಗೆ ಹೇಮರೆಡ್ಡಿ ಮಲ್ಲಮ್ಮನ ಮಾತನ್ನು ಚಾಚು ತಪ್ಪದೆ ಪಾಲಿಸುತ್ತಾನೆ.*

🌹 *ವಚನಕಾರನಾಗಿ*

*ವೇಮನ ತನ್ನ ಪ್ರೇಯಸಿಯ ನಗ್ನ ಶರೀರವನ್ನು ಕಂಡೊಡನೆ ಅವನೊಳಗೆ ಭಯಂಕರವಾದ ಜಿಗುಪ್ಸೆ, ಅಸಹ್ಯಭಾವನೆ ಆವರಿಸಿ ಒಡನೆಯೇ ಗಾಭರಿಗೊಂಡು ಕಣ್ಮುಚ್ಚಿ -*

ತಾಯಿಯ ಗರ್ಭದಿಂದ ತಾಂ ಬರುವ ಸಮಯದಿ
ಮೊದಲು ವಸ್ತ್ರಮಿಲ್ಲ, ತುದಿಗುಮಿಲ್ಲ
ನಡುವೆ ಬಟ್ಟೆಯುಡುವುದೇಕೆಂದು ತಿಳಿಯಿರಿ
ವಿಶ್ವತೋಭಿರಾಮ ಕೇಳುವೆ ಮಾ||

*ಎಂದು ತತ್ವ್ತಜ್ಞಾನ ಹೇಳುತ್ತಾ, ತಾನು ನಗ್ನನಾಗಿ ವೈರಾಗಿಯಂತೆ ಕಾಲ್ತೆಗೆದು ಹೊರ ಹೋರಟವನು, ಮುಂದೆ ತನ್ನ ಸಾಧನೆಯಿಂದ ಮಹಾಯೋಗಿಯಾದನು*

➖➖➖➖➖➖➖➖➖➖➖

✍🌹 *ಸ್ವಾನುಭವ ಸಾರ್ವಭೌಮ ಮಹಾಯೋಗಿ ವೇಮನ*

Friday, 19.01.2018,
(ಗೋವಿಂದಪ್ಪ ಬ. ಗೌಡಪ್ಪಗೋಳ)

👍 ಜೀವನ ಮೌಲ್ಯಗಳಲ್ಲಿ ಕುಸಿತ ಕಂಡಾಗಲೆಲ್ಲ ಸತ್ಪುರುಷರು, ಯೋಗಿಗಳು, ಸಂತರು ಜನಿಸಿ ಭಕ್ತಿ, ಜ್ಞಾನ, ಕರ್ಮ ಮಾರ್ಗಗಳ ಮೂಲಕ ಜೀವನ ಮೌಲ್ಯಗಳನ್ನು ಪ್ರತಿಪಾದಿಸಿದ್ದಾರೆ, ಪ್ರಚುರಪಡಿಸಿದ್ದಾರೆ ಹಾಗೇ ಪ್ರತಿಷ್ಠಾಪಿಸಿದ್ದಾರೆ.

ರಾಮ, ಕೃಷ್ಣ, ಬುದ್ಧ, ಬಸವ ಮುಂತಾದ ಲೋಕ ಪೂಜ್ಯನೀಯರಂತೆ ಮೇರುಪಂಕ್ತಿಯಲ್ಲಿ ನಿಲ್ಲುವ ಮತ್ತೋರ್ವ ದಿವ್ಯ ಚೇತನ, ದೈವೀಸಂಭೂತರೆಂದರೆ ಶ್ರೇಷ್ಠ ದಾರ್ಶನಿಕ, ತತ್ವದರ್ಶಕ, ಸಮಾಜ ಸುಧಾರಕ, ಮಹಾಯೋಗಿ ವೇಮನರು.

ವೇಮನರೇ ತಮ್ಮ ಒಂದು ಪದ್ಯದಲ್ಲಿ ‘ಉಂಟು ಉಂಟು ಜ್ಞಾನಿ ಯುಗ ಯುಗಾದಿ ಕಳೆಯೆ’ ಎಂದು ಹೇಳಿದಂತೆ ಯುಗವೆಂದರೆ ಆಧ್ಯಾತ್ಮಿಕ ಪ್ರಗತಿಯ ಹಂತ. ಪ್ರತಿ ಯುಗದಲ್ಲಿ ಜ್ಞಾನಿಗಳು ಇದ್ದೆ ಇರುತ್ತಾರೆ. ಅಧರ್ಮ ಹೆಚ್ಚಾದಾಗ ಜನರು ಮತ್ತೆ ಧರ್ಮದ ಮಾರ್ಗದಲ್ಲಿ ನಡೆಯುವಂತೆ ಮಾಡಲು, ಅವರಿಗೆ ಸೂಕ್ತ ಮಾರ್ಗದರ್ಶನ ಮಾಡುವುದೇ ಜ್ಞಾನಿಗಳ ಬರುವಿಕೆಯ ಉದ್ದೇಶ. ಹಾಗೆ ಬಂದವರು ದಿಗಂಬರ ವೇಮನರು.

🌹 *ಯಾರೀ ವೇಮನರು?:*

ಕರ್ನಾಟಕದ ಪೂವೋತ್ತರಕ್ಕೆ ಹಬ್ಬಿರುವ ಆಂಧ್ರಪ್ರದೇಶದ ಬಹು ಭಾಗವನ್ನು ಕ್ರಿ.ಶ. 1323ರಿಂದ ಕ್ರಿ.ಶ. 1424ರ ವರೆಗೆ ರಾಜ್ಯಭಾರ ಮಾಡಿದ ರಡ್ಡಿ ರಾಜವಂಶದ 5ನೇ ರಾಜನಾದ ಕುಮಾರಗಿರಿರಡ್ಡಿ (ಕ್ರಿ.ಶ.1386-1402) ಮತ್ತು ಮಲ್ಲಮಾಂಬೆಯ ಐವರು ಮಕ್ಕಳಲ್ಲಿ ನಾಲ್ಕನೆಯ ಮಗನಾಗಿ ಜನಿಸಿದವರೇ ವೇಮನರು.

ಆಂಧ್ರಪ್ರದೇಶದ ಕೊಂಡವೀಡು ಪಟ್ಟಣದ ಸಮೀಪದಲ್ಲಿರುವ ಮೂಗಚಿಂತಪಲ್ಲಿಯಲ್ಲಿ ಕ್ರಿ.ಶ. 1412 ರಲ್ಲಿ ವೇಮನರ ಜನನ. ಅವರ ಜೀವನದಲ್ಲಿ ನಡೆದ ಅನೇಕ ಘಟನೆಗಳು ಅವರನ್ನು ಶ್ರೇಷ್ಠ ಸಂತನನ್ನಾಗಿಸಿವೆ, ಜ್ಞಾನಿಯನ್ನಾಗಿಸಿವೆ, ಯೋಗಿಯನ್ನಾಗಿಸಿವೆ. ಹಾಗೆಯೇ ವೇಮನರು ಮಹಾಯೋಗಿಯಾಗಲಿಕ್ಕೆ, ಶ್ರೇಷ್ಠ ಸಾಹಿತ್ಯ ರಚನೆಗೆ ಅವರ ಬದುಕಿನಲ್ಲಿ ನಡೆದ ಅವಾಂತರವೇ ಕಾರಣವಾಯಿತು.

ಭೋಗವಿಲಾಸದಲ್ಲಿ ಮುಳುಗಿದ, ವಿಷಯಾಸಕ್ತನಾದ ವೇಮನರನ್ನು ಮಹಾಸಾಧಿ್ವ ಹೇಮರಡ್ಡಿ ಮಲ್ಲಮ್ಮ ತನ್ನ ಮುತ್ತಿನ ಮೂಗುತಿಯ ಬಲದಿಂದ ಒಬ್ಬ ಯೋಗಸಾರ್ವಭೌಮನನ್ನಾಗಿ ಮಾಡಿದ ಕಥೆ ಜಗದ ಜನರಲ್ಲಿ ಯಾರಿಗೆ ಗೊತ್ತಿಲ್ಲ ಹೇಳಿ?

ಸರ್ವಜ್ಞ-ತಿರುವಳ್ಳುವರರಂತೆ: ವೇಮನರು, ಕನ್ನಡದ ಸರ್ವಜ್ಞನಂತೆ ಮತ್ತು ತಮಿಳಿನ ತಿರುವಳ್ಳುವರ್​ರಂತೆ ಸ್ವಾನುಭವ ಸಾರ್ವಭೌಮರು. ಇವರು ಆಟವೆಲದಿ ಛಂದಸ್ಸಿನಲ್ಲಿ ಇಹಲೌಕಿಕ ಮತ್ತು ಪಾರಲೌಕಿಕ ವಿಷಯಗಳೆಲ್ಲವುಗಳ ಮೇಲೆ ತ್ರಿಕಾಲಬಾಧಿತವಾದ ಸ್ವಾನುಭವ ಸಾಹಿತ್ಯ ರಚಿಸಿದ್ದಾರೆ. ಜನರ ಆಡು-ಭಾಷೆಯಲ್ಲಿ ರಚಿಸಿದ ಇವರ ಪದ್ಯಗಳು ಮಾನವನ ಜೀವಿತದಲ್ಲಿ ಮನನ ಮಾಡಿ ಅನುಷ್ಠಾನ ಮಾಡುವಂತಹ ಅಮೂಲ್ಯ ರತ್ನಗಳಾಗಿವೆ.

ವೇಮನರ ಮಾತುಗಳು ಬರಿಯ ಮಾತುಗಳಲ್ಲ. ಅವುಗಳು ವೇದವೇ ಆಗಿವೆ. ನಮ್ಮ ಜನ ವೇಮನರ ಕುರಿತು, ‘ವೇದಾತೀತನು ವೇಮನು ಕಾಣಾ, ವೇಮನ ಮಾತದು ವೇದವು ಕಾಣಾ’ ಎಂದು ಹಾಡಿದ್ದಾರೆ.

ಕೈವಾರ ನಾರೇಯಣ ಯತೀಂದ್ರರು ಕ್ರಿ. ಶ. 1800ರಷ್ಟು ಹಿಂದೆಯೇ ವೇಮನರ ಪದ್ಯಗಳನ್ನು ಪ್ರಥಮ ಬಾರಿಗೆ ಅಧ್ಯಯನ ಮಾಡಿ ಅವುಗಳ ಮಹತ್ವ ದೃಢಪಡಿಸಿ, ಯೋಗಿ ವೇಮನರನ್ನು ವಾಲ್ಮೀಕಿ, ವ್ಯಾಸರೊಂದಿಗೆ ಹೋಲಿಸಿದ್ದಾರೆ. ವ್ಯಾಸ, ವಾಲ್ಮೀಕಿಯರು ಪಂಡಿತ ಋಷಿಗಳಾದರೆ, ವೇಮನರು ಪಾಮರ ಋಷಿ. ಯಾಕೆಂದರೆ ಅವರು ತಮ್ಮ ಮಾತೃಭಾಷೆ ತೆಲುಗಿನಲ್ಲಿ ಬರೆದ ಶೈಲಿ ಸುಲಭವಾಗಿದೆ, ಬಳಸಿದ ಭಾಷೆ ಜನಸಾಮಾನ್ಯರ ಭಾಷೆಯಾಗಿದೆ.

ಉದಾತ್ತಯೋಗಿ ವೇಮನರನ್ನು ಕನ್ನಡಿಗರಿಗೆ ಹಾಗೂ ಅವರ ಶ್ರೇಷ್ಠ ಸಾಹಿತ್ಯವನ್ನು ಕನ್ನಡ ಸಾರಸ್ವತಲೋಕಕ್ಕೆ ಪರಿಚಯಿಸುವಂಥ ಕಾರ್ಯವನ್ನು ಬಹಳ ಉತ್ಕೃಷ್ಟವಾಗಿ ಮೊದಲು ಮಾಡಿದವರು ದಿ. ಎಸ್. ಆರ್. ಪಾಟೀಲರು. ಕರ್ನಾಟಕ ವಿಶ್ವವಿದ್ಯಾಲಯದ ವೇಮನ ಪೀಠಕ್ಕೆ ಅವರು ವೇಮನರ ಪದ್ಯಗಳನ್ನು ಕನ್ನಡದಲ್ಲಿ ಅನುವಾದ ಮಾಡಿರುವುದಲ್ಲದೆ, ಹತ್ತಾರು ಕೃತಿಗಳನ್ನು ವೇಮನ ಪೀಠಕ್ಕೆ ನೀಡಿದ್ದಾರೆ. ಈ ಕೃತಿಗಳಲ್ಲಿ ಎರಡು ಸಂಪುಟಗಳಲ್ಲಿ ಪ್ರಕಟವಾಗಿರುವ 1600 ಪುಟಗಳುಳ್ಳ ‘ವೇಮನರ ಯೋಗ ಮೀಮಾಂಸೆ’ ಶ್ರೇಷ್ಠ ಗ್ರಂಥವಾಗಿ ಹೊರಹೊಮ್ಮಿದೆ.

ವೇಮನರ ಪದ್ಯಗಳಲ್ಲಿರುವ ತಾತ್ವಿಕ ಚಿಂತನೆಗಳನ್ನು ಭಾರತದ ವಿಭಿನ್ನ ತತ್ತ್ವಗಳಿಗೆ ತುಲನೆ ಮಾಡಿ ವೇಮನರ ನಿಲುವು ಎತ್ತಿ ತೋರಿಸಿದ್ದಾರೆ. ರಾಮರೆಡ್ಡಿ, ಬಿ. ಭೀಮರಾಜು ಮತ್ತು ಎಂ. ದೇವರಕೊಂಡಪ್ಪ ಅವರೂ ವೇಮನರ ಪದ್ಯಗಳನ್ನು ಕನ್ನಡದಲ್ಲಿ ಅನುವಾದಿಸಿ, ಕನ್ನಡ ಸಾಹಿತ್ಯಕ್ಕೆ ತಮ್ಮದೇ ಆದ ವಿಶಿಷ್ಟ ಕೊಡುಗೆ ನೀಡಿದ್ದಾರೆ.

ವೇಮನರ ಪದ್ಯಗಳು ಕನ್ನಡ, ತಮಿಳು, ಮಲೆಯಾಳಿ, ಇಂಗ್ಲಿಷ್ ಮುಂತಾದ ಭಾಷೆಗಳಿಗೆ ಅನುವಾದಗೊಂಡಿವೆ. ಹೀಗಾಗಿ ವೇಮನರ ಸಾಹಿತ್ಯ ಈ ಎಲ್ಲ ಭಾಷಾ ಸಾಹಿತ್ಯಗಳನ್ನು ಶ್ರೀಮಂತಗೊಳಿಸಿರುವುದಲ್ಲದೆ, ವಿಶ್ವ- ಸಾಹಿತ್ಯಕ್ಕೂ ಭೂಷಣಪ್ರಾಯವಾಗಿದೆ.

🌹🌹 *ಮಾನವತಾ ಧರ್ಮ:*

ವೇಮನರ ಧರ್ಮ ಮಾನವತಾ ಧರ್ಮವಾಗಿದೆ. ಅತ್ಯಂತ ಉತ್ಕೃಷ್ಟ ನಿಲುವು ವೇಮನರದು. ಅವರ ನೋಟ ವಿಶಾಲವಾಗಿತ್ತು. ‘ಉದಾರ ಚರಿತಾನಾಂ ವಸುಧೈವ ಕುಟುಂಬಕಂ’ ಎಂಬಂತೆ ವೇಮನರು ವಿಶ್ವ ಮಾನವತೆ ಕುರಿತು ಚಿಂತಿಸಿದ್ದಾರೆ. ವಿಶ್ವ ಸೋದರ ಭಾವದ ಕನಸು ಕಂಡಿದ್ದಾರೆ. ಅವರು ವಿಶ್ವಕುಟುಂಬಿ ಮತ್ತು ವಿಶ್ವಪ್ರೇಮಿ. ದೇಶ, ಭಾಷೆ, ಮತ, ಭೇದಗಳ ಸಂಕುಚಿತ ಆವರಣ ತೊರೆದ ವ್ಯಕ್ತಿತ್ವ. ಈ ಪದ್ಯದಿಂದ ಅವರ ಸ್ಪಷ್ಟ ನಿಲುವು ನಮಗೆ ಗೊತ್ತಾಗುತ್ತದೆ.

‘ಊರ್ವ ವಾಸಿಗೆಲ್ಲ ಒಂದೇ ತಾಟವನಿಟ್ಟು

ಸ್ನೇಹವರಳಿಸಿ, ಕುಲಭಾವವಳಿಸಿ

ಶಿರದ ಮೇಲೆ ಕರವಿಟ್ಟು ಉಣಹೇಳಿರೋ

ವಿಶ್ವದಾಭಿರಾಮ ಕೇಳು ವೇಮ’

‘ಊರ್ವಿ ವಾಸಿಗಳೆಲ್ಲರಿಗೂ, ಯಾವುದೇ ಪಂಕ್ತಿ ಭೇದ ಮಾಡದೇ ಒಂದೇ ತಾಟವನಿಟ್ಟು, ಅವರ ಮಧ್ಯ ಇರುವ ಕುಲಭೇದದ ಭಾವವನ್ನು ಅಳಿಸಿ, ಸ್ನೇಹ ಭಾವವನ್ನು ತುಂಬಿ, ಎಲ್ಲರ ಮೇಲೂ ಸಮಾನ ಕರುಣೆ ಸುರಿದು, ಶಿರದ ಮೇಲೆ ಕೈಯನ್ನಿಟ್ಟು ಪ್ರೀತಿ ವಿಶ್ವಾಸದಿಂದ ಉಣಲು ಹೇಳಿರಿ’.

ಎಂಥ ಅದ್ಭುತ ಆಲೋಚನೆ, ಎಂಥ ಉನ್ನತವಾದ ಔದಾರ್ಯ. ವೇಮನರು ವಿಚಾರ ಮಾಡುವ ವಿಷಯಗಳ ವ್ಯಾಪ್ತಿ ಹಿರಿದಾದುದು. ಅವರದು ಸ್ವತಂತ್ರ ದೃಷ್ಟಿ, ಸ್ವತಂತ್ರ ಸೃಷ್ಟಿ. ಸ್ವಾನುಭವವೇ ವೇದವಾದ ಮಹಾನುಭಾವ ಅವರು.

ವೇಮನರು ಗುಣಕ್ಕೆ ಪ್ರಾಧಾನ್ಯತೆಯನ್ನಿತ್ತರು. ನೀತಿಗೆ ಪಟ್ಟ ಕಟ್ಟಿದರು. ಗೃಹಸಂಸಾರದಿಂದ ಹಿಡಿದು ವಿಶ್ವರಹಸ್ಯದವರೆಗೆ ಎಲ್ಲ ವಿಷಯಗಳ ಕುರಿತು ಎಂದೆಂದಿಗೂ ಮರೆಯಲಾಗದಂತಹ ಸುವರ್ಣ ಸೂತ್ರಗಳನ್ನು ಹೇಳಿದರು.

ಪಕ್ಷಿಗಳ ಬದುಕನ್ನು ನೋಡಿ ಜಗದ ಜನರು ಬದುಕುವುದನ್ನು ಕಲಿಯಬೇಕೆಂದು ವೇಮನರು ಪದ್ಯದ ಮೂಲಕ ಸಾರಿದ್ದಾರೆ. ‘ಧರ್ಮವೆಂದರೆ ಯಾವುದು?’ ಒಳ್ಳೆಯವನಾಗಿರುವುದು, ಒಳ್ಳೆಯದನ್ನು ಮಾಡುವುದೇ ನಿಜವಾದ ಧರ್ಮ. ‘ಧ್ವಜವನೆತ್ತಿ ಸಾರು ದೇವನೊಬ್ಬನೆಂದು’ ಎಂದು ಹೇಳಿದ್ದಾರೆ.

ಕೊಂಡವೀಡು ಪಟ್ಟಣದಲ್ಲಿ ಬೆಳೆದು, ರಾಯಲಸೀಮೆ ಪ್ರದೇಶದಲ್ಲಿ ಸುತ್ತಿ, ಪ್ರಚಾರ ಮಾಡಿ 1480ರಲ್ಲಿ ವೇಮನರು ಪರಮಾತ್ಮನಲ್ಲಿ ಲೀನವಾದರು. ಕಡಪಾ ಜಿಲ್ಲೆಯ, ಕದರಿ ತಾಲೂಕಿಗೆ ಸೇರಿದ ಕಟಾರುಪಲ್ಲಿಯ ಅವರ ಸಮಾಧಿ ಜ್ಞಾನೋಪಾಸಕರಿಗೆ, ಅತ್ಮದರ್ಶನಾಕಾಂಕ್ಷಿಗಳಿಗೆ ಪವಿತ್ರ ಯಾತ್ರಾ ಸ್ಥಾನವಾಗಿದೆ.

ವೇಮನರ ತತ್ತ್ವ ಸಂದೇಶಗಳ ಜ್ಞಾನ ಮತ್ತು ಜಾಗೃತಿ ಜನರಲ್ಲಿ ಮೂಡಬೇಕು, ಶಾಂತಿ, ಸಮತೆ, ಸೌಹಾರ್ದತೆಯ ಪರಿಮಳ ಜನಮನದಲ್ಲಿ ಪಸರಿಸುವಂತಾಗಬೇಕು ಎನ್ನುವ ಉದಾತ್ತ ಧ್ಯೇಯದೊಂದಿಗೆ ವೇಮನರ ಜಯಂತ್ಯುತ್ಸವವನ್ನು ಇಂದು (ಜ. 19) ನಾಡಿನಾದ್ಯಂತ ಆಚರಿಸಲಾಗುತ್ತಿದೆ.